Эмне үчүн эркектер жакшынакай жубайы турса деле башка кыздарга көз артышат?

2020.03.26, 14:08
820

Саламатсызбы. Мындай суроом бар эле. Жолдошум менден катып, инстаграмдагы кыздарды карай берет, керек болсо, телеграмдан алар менен жазышат.

Экөөбүздүн мамилебизди сактап калуу үчүн көп аракет кылдым. Маселе менде-го деп керек болсо өңү-түсүмдү оңдоп да чыктым. Бирок мындай көрүнүш токтогон жок.

Психолог кандай кеңеш берет болду экен? Эмне үчүн эркектер жакшынакай жубайы турса деле башка кыздарга көз артышат?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
26.03.2020, 14:09

Асель Баимбетова

Психолог

Анын эмнени карап жатканын сиз кайдан билесиз? Телефонун кароого, текшерүүгө күйөөңүз өзү уруксат берди беле?

Мындай көрүнүш орун алып жатса, аны менен ачык сүйлөшүңүз. Анын башка кыздарга көз артып жатканы сизге катуу тиерин, жагымсыз абалда кала турганыңызды айтыңыз.

Бирок уруш чыгарып, күнөөлөп, кыйкырбай, жайдары сүйлөшүүгө аракет кылыңыз.

Айрым аялдар күйөөлөрүн жөнү жок текшерип, андый беришет. Телефонун карап, паролдорун ачып ж.б. Мындай мамилеси менен адамдын жеке аймагына кирип, укугун бузушат. Бул жакшы эмес.

Силер баш кошоордо анын мүнөзүн билчү белеңиз? Кээ бир кыздар баш кошкондон кийин анын мүнөзү, жүрүм-туруму өзгөрөт, мен жанында болсом башка кыздарга көңүл бөлбөй калат деген жаңылыш пикирде болушат. Бирок, түшүнүп койгула, анын натурасы ошондой, мындай эркектер эч качан токтолбойт, өзгөрбөйт.

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт