Кайын энеси кийлигише берип курбум ажырашып кетти. Психологдун кеңеши

2020.03.20, 11:43
431

Курбум бар, ажырашканына тогуз ай болуп калды. Ортосунда бир баласы бар. Күйөөсү артынан төрт жыл чуркап жүруп баш кошушкан. Бирок кайын энеси себепсиз уруш чыгара берип, экөөнү ажыраштырды. Арадан үч ай өткөндөн кийин кайын энеси өзүнүн сиңдисин келин кылып киргизип алыптыр. Күйөөсү такыр өзгөрүп, баласынан да кабар албайт экен.

Курбум психологдон кеңеш алып берчи күйөөмдү унустамбы же кайтарсамбы, деп эмне кылышты билбей турат.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
20.03.2020, 11:45

Эльвира Чокоева

Психолог

Кутман күн!

Бул кырдаалда негизги таасир эткендер жана башкалардын тагдырын чечкен кишилер курбуңуздун кайын энеси жана күйөөсү экен. Апасы эмне кылышты айтат, баласы анын сөзүн аткарат.

Баш кошконго чейин 4 жыл сүйлөшүшсө демек экөөнүн ортосунда кандайдыр сезимдер болгон. Бирок курбуңуздун күйөөсү өзүнүн таламын, үй-бүлөсүн жана кызыкчылыктарын коргой алган жок. А балким, каалаган жок. Ал дагы деле жетиле элек мырза экен. Ал үчүн энеден бөлүнүп өз алдынча ой жүгүрткөн киши болгондон көрө, аялынан жана баласынан баш тартуу кыйла жеңил экен.

Эми курбуңузга суроо: күйөөсү экөө кайра бир жашап калды дейли, ага ушундай эрксиз, апасынын сөзүнөн чыга албаган эркек керекпи?

Ал эми чоң кыз, менин сизге да бере турган кеңешим бар. Сизди чын дилиңизден далбастап, курбуңуз үчүн күйүп-бышып жатканыңызды түшүнүп турам. Бирок, эч качан башка бирөөнүн үй-бүлөсүнө кийлигишип, алардын көйгөйүн чечип берүүгө ашыкпаңыз. Акыры, баарына күнөөлү болуп калуу корокунучу жогору. Андан көрө өз жашооңузга көңүл бөлүңүз.

Ийгилик!

Эльвира Чокоева менен инстаграмдагы @elvira_psiholog аккаунту аркылуу байланышсаңыз болот.

Башкы беттеги илюстративдүү сүрөт.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт