Бардык балдарыма канча алимент төлөшүм керек, түшүндүрүп берип койгулачы?
Биринчи аялыман бир балам бар, ага алимент төлөйм. Кийин үйлөнгөмүн аны менен да ажырашканы турам. Экинчи никемен бир кызым бар, келинчегим азыр кош бойлуу, апрелде төрөйт.
Баарына канча алимент төлөшүм керек болуп калат, түшүндүрүп берип коесуңарбы?
Эркингүл Шаршенбекова
Адвокат
Саламатчылык. Алименттин суммасын сот аткаруучу баланын жашын эске алып, минималдык талаптарга ылайык эсептеп чыгарат. Иштеп жаткан жериңизден канча айлык ала тургандыгыңыз жөнүндө кагаз берсеңиз, ошого жараша өндүрүлөт.
Андан тышкары келинчегиңиз кичүү баласы үч жашка чыкканга чейин өзүнө да алимент өндүрүүгө укуктуу. Ошону да эске алып коюңуз.
Соттун буйругу менен алимент өндүрүлсө, бир балага бардык кирешенин 4/1 бөлүгү, 2 балага 3/1 бөлүгү. Ал эми үчтөн көп балага бардык кирешенин 2/1 бөлүгү, башкача айтканда тең жарымы өндүрүлүүгө тийиш.
Мыйзам боюнча алимент төлөөчүнүн кирешесинин 50% гана алууга укуктуу.
Адвокат Эркингүл Шаршенбекованы инстаграмдагы @advokat_kg_erkingul баракчасы аркылуу тапсаңыз болот.
Башкы беттеги сүрөт интернеттен алынды.