Мен аялымды каалабайм, бирок жакшы көрөм. Эмне кылышым керек?
Саламатсызбы. Аялымды жакшы көрөм, бирок төшөк маселесине келгенде, меники жакшы турбайт. Башка учурда, “сол жака” барганда бул жагынан эч көйгөй жаралбайт.
Үйлөнгөнүбүзгө беш ай болду. Келинчегим мээримдүү, акылдуу, мамилебиз жакшы. Бирок анын жанында болгонумда делебем козголбойт.
Өзү да кошулууга демилге көтөрбөйт, аракет кылбайт. Ар дайым эле мен ойготом.
Наталья Ивахник
Сексолог
Сиздин эмне каалап жатканыңыз мен үчүн түшүнүксүз болуп жатат. Ички дүйнөңүз да, сырткы дүйнөңүз да чаташып калган.
Аялымды жакшы көрөм, баалайм, барктайм, деп жазып жатасыз, ошол эле учурда башка жакта да мамилеңер бар экенин билдирдиңиз. Ал жакта секс маселесинде эч кандай көйгөй жаралбайт дедиңиз.
Жубайыңыз менен интимдик жашоону жакшыртуу үчүн күнүмдүк мамилени да жакшыртуу зарыл. А сиз келинчегиңизди оргазмга жеткирип көрдүңүз беле? Ал сиз менен кошулуудан ырахат алабы, ошону кызыгып сурадыңызбы?
Сиз эгоисттик түрдө өзүңүздүн сезимдериңизди жана өзүңүздүн каалоолоруңузду гана айтып жатасыз. Түгөй, бир үй-бүлө болгондон кийин бардыгы экөөңөрдүн пикирлериңерди эске алуу менен жасалышы шарт.
Андагы сизге жаккан сапаттарын, сексуалдуу жактарын табууга аракет кылыңыз. Ал үчүн алгач “солго” барууну токтотуу керек. Көңүлүңүздү толугу менен келинчегиңизге буруңуз.
Өз каалоолоруңузду ачык билдиргиле, аныкын да кызыгып сурагыла: эмне жагат, канткенде жакпайт ж.б.
Экөөңөрдүн тең эротикалык кыялдарыңарды ишке ашырып көргүлө. Мисалы, бейтааныш айымдарды көргөндө дүүлүксөңүз, бири-бириңер менен эротикалык оюндарды ойногула. Келинчегиңизден сизди тааныбаган кыздын ролун аткаруусун сураныңыз.
Булардын бардыгы эки жактын тең каалоосу менен болууга тийиш. Ошондо экөөңөр тең секстен ырахат алып, механикалык оргазм эмес, табигый жана чыныгы оргазмга айланат.
Ийгилик!
Сексолог Наталья Ивахник менен инстаграмдагы @pro0kosmos баракчасы аркылуу байланышсаңыз болот.
Башкы беттеги сүрөт интернеттен алынды.