Күйөөм алыста иштеп жүрө берип, мени каалабай калды окшойт
Саламатсызбы. Мен силерден кеңеш сурайын дегем. Жолдошум тигүү цехинде иштейт, жумушу шаарда. Мен кыздарым менен айылдамын. Күйөөм бир айда бир жолу келип турат.
Акыркы кезде түнкүсүн, экөөбүз кошулаарда жыныстык мүчөсү турбай калчу болду. Күндүз зыңкыйып эле туруп алат, дейт өзү.
Эмнеден улам ушинтиши мүмкүн? Оору жуктуруп алганбы? Же мени каалабай калдыбы? Кыскасы оюм бир жерде эмес.
Наталья Ивахник
Сексолог
Саламатчылык!
Жолдошуңуздүн эркециясы менен көйгөй жаралышы менен жугушту оору менен байланышы жок. Сизге сезими жок болуп жаткандыктан, ушундай болуп жатат, деп бир бетекей айтуу да мүмкүн эмес.
Бирок өнөктөштөрдүн анда-санда жолукканы, бири-биринен алсы болгону төшөк маселесине таасирин тийгизиши мүмкүн. Балким, күйөөңүздүн жашоосунда секстин сейрек болгонуна байланыштуу организми ушундай реакция кылып жатат?
Узак убакытка чейин кошулбаса, эректилдик дисфункция болуп, же бел суусу эрте түшүшү мүмкүн, башкача айтканда, кыска убакытта эле канааттанып калат. Сиз аялы катары ага эч кандай жардам көрсөтө албайсыз. Анткени бул анын организминин реакциясы.
Бирок ортоңордогу жылуулук сезимин сактап калуу үчүн экөөңөр тең аракет кылсаңар болот. Мисалы, делебени козгоо үчүн бири-бириңерди эркелетип, сылап, ойноп, кылыктанып ж.б.
Ошондой эле, эртең менен кошулуп көрүңүз. Анткени таңга жуук эркектердин эрекциясы салыштырмалуу күчтүү болот деп эсептелинет.
Күйөөңүз алыста болгондо деле бири-бириңер менен көбүрөөк сүйлөшүп, байланышып тургула. Сезимдериңерди билдирип, сагынып жатканыңарды айткыла. Бири-бириңерге колдоо көрсөткүлө.
Секс кечинде бир төшөккө жатканда гана башталбайт. Ага алдын ала кам көрүп, уктоочу бөлмөдөн тышкары да контакта болуп туруу шарт.
Сексолог Наталья Ивахник менен инстаграмдагы @pro0kosmos баракчасы аркылуу байланышсаңыз болот.
Башкы беттеги сүрөт интернеттен алынды.