Бир жарым айдан бери бир байкеге ашыкмын

2020.02.27, 19:14
957

Мен туура эмес иш жасап, күнөө кылып жатам, бирок жан дүйнөм аны укпайт. Бир жарым айдан бери бир байкеге ашыкмын. Жолдошум, балдарым бар.

Жолдошумдан көңүлүм калган. Аябай корс адам, такыр көңүлдөнбөйм. Бирок ажырашам деген деле оюм жок.

Тиги байкени унутканга аракет кылам. Бирок жыйынтык жок. Ыйлап, кечке ойлоно берип кыйналып кеттим. Кеңеш күтөм.

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
27.02.2020, 19:31

Ширин Амантурова 

Психолог 

Саламатсызбы!

Сиз жазган көйгөйдө жолдошуңуз менен болгон мамиленин сууп баратканын байкаса болот. Ыйлап, кыйналып жатам дегениңизге караганда үй-бүлөдө баары жакшы эмес. Жолдошуңуздун мээрими жетпегени билинип турат.

Жолдошуңуз менен эки жолго түшүүнү каалабайсыз туурабы? Демек, мамилени мурунку калыбына келтирүү, мындан ары сактап калуу үчүн бирге изденишиңиздер керек. Чогу олтуруп көйгөй жараткан маселени ортого салып чечишип алганыңар оң болот.

Күнүмдүк турмуш деп жүрүп бири-бириңерге көңүл буруу жат көрүнүш болуп калгандыр. Санай берсе себептер көп. Экөөңүздөр тең аракет кылганда гана баары ордуна келет.

Бирок сиз да мамилени өзгөртүүгө аракет кылып көрүңүз.

Күйөөңүздөн ала албаган жылуулукту, кам көрүүнү, аёону, сүйүүнү, жакшы мамилени башка адамдан көрүп, ошол үчүн кыйналып жатасыз. Ал адам менен мындан ары мимиле куруунун оң жана терс жактарын санап, ойлонуп көрүңүз. Сизди кыйноого салып жатканын мамиленин оң тарабы деле жок болсо керек.

Акыркы чечимди сиз гана кабыл ала аласыз. Андыктан өзүңүздү колго алып, туура чечим кабыл алыңыз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт