Арыктатуучу капсулалар ден соолукка зыян эмеспи? Терапевт жооп берет

2020.02.21, 13:38
905

Мен 17 жаштамын. Арыктатуучу капсулаларды колдоно баштадым. Суроолорум төмөндөгүдөй: Кийинки жашоомо зыяны тийбейби? Төрөй албай калбаймынбы?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
21.02.2020, 13:38

Сагыныч Койбагарова

Терапевт

Ашыкча салмак көйгөйүн башка жол менен чечүү зарыл. Балким сизде метоболизм жакшы жүрбөйт, күнүмдүк тиричиликте көп кыймылдабайсыз, же майлуу, куурулган тамакты көп ичесиз.

Метоболизм же болбосо зат алмашуу – бул химиялык реакциялардын жыйындысы. Алар жандуу организмде жүрөт, өсүүгө, көбөйүүгө жана сырткы чөйрөнүн таасирлерине жооп берүүчү структураларды сактоого жардам берет.

Алгач күнүмдүк рациондон майлуу, куурулган жана таттуу азыктарды азайтканга аракет кылыңыз. Көбүрөөк суу ичип, жер жемиш жана мөмө жемиштерге басым кылыңыз. Күнүнө 15-20 мүнөт физикалык көнүгүүлөрдү аткарыңыз.

Сиз азыр өспүрүм кызсыз, 17 жашта организмде ансыз деле гормоналдык өзгөрүүлөр жүрүп жаткан кези.

Арыктатуучу капсулалар алгач жоон ичегинин функциясын өзгөртөт, гастрит, дуоденит холецистит сыяктуу оорулар пайда болушу мүмкүн.

Мындай дарылар борбордук нерв системасына да өз таасирин тийгизет. Алыңыз кетип, шалдырайсыз, уйку бузулат, эс тутум начарлайт.

Ошондуктан, алгач доктурга көрүнүп, толугу менен текшерүүдөн өтүп, анын уруксаты менен гана иче баштаган туура.

Ден соолукка жоопкерчиликтүү мамиле кылыңыз!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт