Жигитим мага аз убакыт бөлөт. Сүйлөшпөй койсомбу? Психолог жооп берет

2020.02.20, 10:18
777

Саламатсызбы. Жигитим облустук сотто иштейт. Сүйлөшкөнүбүзгө 1,5 жыл болуп калды. Жумушка кире элегинде, мага тынбай телефон чалып, күндө жолугушуп турчубуз. Азыр болсо убактысы жок. Жадакалса, түндө да жумушта болот. Процесске кирип эми чыктым, деп билдирүү жазып коет.

Мен түшүнгөнгө аракет кылам. Бирок кээде ойлонуп кетем, адамдын каалоосу болсо, бир-эки мүнөт болсо да убакыт таап, телефон чалып турат эле го. Ошону ойлоп жиним келип, туталанып кетем. “Сабыр кыл, мага ишен, бардыгы жакшы болот”, деп сооротуп коет.

Тынбай уруша берип көңүлүн да калтырып койдумбу? Кыскасы эмне кыларымды билбей турам. Сүйлөшпөй коеюн десем, анын ордунда эч кимди элестете албайм. Эмне кылсам?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
20.02.2020, 10:19

Мария Самсонова

Психолог

Саламатчылык!

Жигитиңизге ишенесизби же ишенбейсизби өзүңүз гана чечесиз.

Болгону бир нерсе ачык-айкын болуп турат – жигитиңиз сиз койгон талаптарга ылайык келбей калды. Ал сиз үчүн ыңгайсыз, керектөөлөрүңүзгө төп келишпей турган адамга айланды. Жетишээрлик деңгээлде сүйүү бере албай, убакыт, көңүл бөлбөй жатат.

Жигитиңиз учурда колунан канча келсе, ошончо берүүдө. Анын ага толук акысы бар. Сиз каалагандай көңул бөлбөй жатканы сиздин гана көйгөй. Бул маселени өзүңүз чечесиз.

Эки жолуңуз бар: ыңгайсыз адам менен бирге болуу же болбосо сиздин талаптарыңызга жооп бербеген мамилени токтотуу.

Ар дайым чечимди өзүңүз кабыл алыңыз. Ошондо жоопкерчилик сиздин мойнуңузда болот. Жыйынтыгы үчүн эч кимди күнөөлөбөйсүз.

Ийгилик!

Мария Самсонова менен инстаграмдагы @samsonova.psiholog баракчасы аркылуу байланышсаңыз болот. 

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт