Күйөөм кыз жандуу, аны көргөн сайын жиним келет. Эмне кылышты билбей турам

2020.02.17, 10:52
675

Саламатсызбы. Мен көйгөйүмдү жазууну туура көрдүм. Жолдошум экөөбүз баш кошуп жашап келатканыбызга 15 жыл болду, 3 балабыз бар. Мени ойлондурган маселе - күйөөм кыз жандуу.

Жүрбөгөн кыз-келиндер калган жок. Канчасы менен кармап, канча нервим кетти. Жашы өтсө токтолобу десем, анте турган түрү жок.

Ушунча жыл чыдап, балдарым, үй-жайым деп жашап келдим. Мен кетип калсам эмне болот деген ой менен жүрдүм. Өзүм тыкан, оокатка тың аялмын.

Күндөн-күнгө ага болгон жек көрүүм көбөйүп келатат. Балдарым да чоңоюп калышты. Эмне кылышты билбей турам. Эмнеге мындай болуп жатат? Мага кеп кеңешиңерди берип койгулачы?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
17.02.2020, 10:53

Эльвира Чокоева

Психолог

Кутман күн!

Бул абалдан кантип чыгышты өзүңүз деле түшүнүп турасыз, өзүңүз деле билесиз. Бирок, бул никеден, жана ушундай жашоодон көргөн пайдаңыз да бар. Ошондуктан ушунча жылдан бери бир нерсени өзгөртүүгө умтулган жоксуз. Эмнегедир, турмуштун ушундай нукта жүрө-бериши сиз үчүн ыңгайлуу болгон.

Балким, күйөөсү бар деген статус? Бул биздин коомдо кандайдыр бир коргонууну, коопсуздукту камсыздагансыйт. Балким, балдарыңыздын толук кандуу үй-бүлөдө чоңоюшу сиз үчүн башкы максат болду? А балким финансылык жактан күйөөңүздөн көз карандысыз. Ошондуктан басып кетип ала алган жоксуз.

Сиз ушунун баардыгын тандадыңыз. Демек бул факторлор сиз үчүн жеке комфорттон, жеке бактылуулуктан да жогору турат. Бирок, күйөөңүздүн кылык-жоруктары жакпайт.

Ар бир адам өзгөргүсү келгенде жана мындай чечимге өзу келгенде гана өзгөрө алат. Тилекке каршы эч ким, эч кимдин жашоосуна кийлигишип, ага таасир эте албайт. Бул анын жеке тандоосу. Сиздин жашооңуз да сиздин тандооңуз.

Эльвира Чокоева менен инстаграмдагы @elvira_psiholog аккаунту аркылуу байланышсаңыз болот.

Башкы беттеги илюстративдүү сүрөт.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт