// //

Алиментти убагында төлөй албай, кара тизмеге түшүп калдым

2020.02.10, 10:06
1343

Саламатсызбы! 2019-жылдын эсебинен жашоо-шартыма байланыштуу алиментти төлөй албай калгам. Ошол эле жылдын жай айларында мени кара тизмеге киргизип коюшуптур. Сот аткаруучу кара тизмеден чыгуу үчүн карызды төлөө керек экенин айткан. Карыздын жарымын төлөп, сот аткаруучунун алдына бардым. Эми толук төлөсөм тизмеден чыгамбы деп сурасам, "сүйлөшөбүз да",-деп айткан. Мыйзам боюнча карызы жок болсо, кара тизмеде калышы керек деген нерсе жок экен. Бул нерсени кандай түшүнсө болот? 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
10.02.2020, 10:09

Нурислам Раимжанов

"Справедливость" укук коргоо уюмунун юристи

Урматтуу окурман! Кыргыз Республикасынын “Сот аткаруучулардын статусу жөнүндө жана аткаруу өндүрүшү тууралуу” мыйзамынын 12-беренесинин 1-бөлүмүнүн 15-пунктунун негизинде сот аткаруучуга карызкорду (алимент төлөп жаткан адам карызкор болуп эсептелинет) Кыргыз Республикасынан чыгып кетишине убактылуу чектөө коюуга укук берилген.

Демек, алимент боюнча карызыңыз болгондуктан сизге карата убактылуу чектөө киргизилген. Ал эми ушул эле мыйзамдын 52-беренесинин 3-бөлүгүндө “Карызкордун чыгуусун убактылуу чектөө жөнүндө токтом аткаруу документи толук көлөмдө аткарылгандан кийин гана же болбосо өндүрүп алуучунун арызы боюнча же аткаруу өндүрүшү токтотулган учурда жокко чыгарылат. Бул учурларда сот аткаруучу карызкордун Кыргыз Республикасынан чыгуусуна убактылуу чектөө жокко чыгарылганы жөнүндө 24 сааттын ичинде токтом чыгарат. Токтомдун көчүрмөлөрү карызкорго жана мамлекеттик чек аранын коопсуздугун камсыз кылуу боюнча ыйгарым укуктуу мамлекеттик органга жиберилет” деп көрсөтүлгөн.

Сиз алименттин суммасын ар дайым өз учурунда төлөп карызыңыз жок болуусу керек же өндүрүп алуучу (жубайыңыз) чектөөнү алып салуу боюнча сот аткаруучуга арыз берүүсү зарыл, ошондо сизге коюлган чектөө алынат.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт