Күйөөм окуган-чокуган, билимдүү эле киши, бирок баңги затын колдонот экен
Күйөөм 28 жашта. Окуган-чокуган, билимдүү, жакшы жерде иштеген эле киши. Бирок жарым жылдан бери марихуана чегип жүргөнүн байкачу болдум. Эки жолу үйдөн таптым, андан тышкары ар дайым жанына пипетканын резинкасын жана нафтизин алып жүрөт. Көздөрү кээде кызарып калат. Өзү менен сүйлөштүм, такыр мойнуна албай койду.
Меникиндей абалда эмне кылыш керек?
Наталья Джунковская
Баңгизаттардан көз каранды бейтаптар менен иш алып барат, психолог
Саламатчылык. Нафтизин колдонуунун жөнү бар. Ал көздөрдүн кызарып кетүү эффектисин алып салуу үчүн пайдаланылат. Мындай абалда эмне кылыш керек, деген сурооңузга жооп алуу үчүн, алгач “Мен кандай натыйжаны күтөм?” – деген суроого так, даана жооп берүү керек. Андан тышкары төмөнкү суроолор туурасында да ойлонуп көрүңүз:
- Сизге бул ситуацияда эмнелер жакпайт?
- Сиздин оюңуз боюнча, эмне үчүн күйөөңүз баңгизатын колдоно баштады?
- Баңгизатын колдонгону силердин мамилеңерге кандай таасирин тийгизди?
Ушулардын негизинде диалог кура баштаса болот. Эсиңизде болсун, баңгизатын колдонгондор, чындыкты айтуу кооптуу болгон адамдарга калп айтышат. Ошондуктан, ишенимдүү атмосфера түзгөнгө аракет кылыңыз. Мындайда жаралган көйгөйдү бирге чечүү мүмкүнчүлүгү жогорулайт.
Адистерге кайрылып, тиешелүү жардам алганыңыз туура болот. Эмнеден баштоону билбей жатсаңыз бизге кайрылсаңыз.
Ийгилик!
Наталья Джунковскаяны Консалтинговый центр "ИнтерАктив"
"Добрый доктор" клиникасынан тапсаңыз болот.