Жыныс жагымда варикоз бар. Пайда болушунун себеби кандай?

2020.01.23, 11:39
1359

Мен 24 жаштамын. Учурда 30 жумалык кош бойлуумун. Жыныс жагымда варикоз бар. Анын пайда болушунун себеби кандай? Төрөт убагында кыйынчылык жаратпайбы? Айыктыруунун кандай жолдору бар?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
23.01.2020, 11:40

Раушан Джумагулова

“Эркай” клиникасынын адиси, акушер-гинеколог

Саламатчылык. Кан тамырлардын варикоздук кеңейиши кан тамырлар ооруларына кирет. Пайда болуусунун негизги себеби – прогестерон гормону. Аны кош бойлуулук гормону деп да атайбыз. Бул гормон булчуңдарды бошоңдотот (расслабляет) жана кан тамырлардын булчуң катмарына да таасирин тийгизет.

Андан тышкары кош бойлуу келиндердин кан айлануу системасында кандын көлөмү адаттагыдан көбүрөөк болот. Ошондой эле, түйүлдүк жайгашкан жатын улам чоңоюп, өсүп, табарсыкты, жыныс органдарын үстүнөн кысат. Бул кандын эркин чуркап туруусуна тоскоолдук жаратат.

Кандай жол менен көз жара турганыңызды, төрөттү кабыл алган доктур өзү чечет.  Варикоздук ооруларды өз кезегинде дарылап туруу зарыл, анын күчөп кетиши эне жана бала үчүн кооптуу. Себеби тромбоз пайда болушу мүмкүн.

Тромбоз – кан тамырлардын ичинде кандын уюп калышы, жана эркин кан айлануусуна тоскоолдук жаралуусу.

Биз мындай учурларда коспрессиондук колготки, чулки кийип, бандаж тагынууну сунуштайбыз.

Сиз сөзсүз кан тамырлар хирургуна көрүнүп консультация алып коюңуз.

Аман-эсен көз жарып алыңыз.

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт