Жердин салыгын ким төлөсө, ошол жаран ээси болуп калат деген чынбы?

2020.01.09, 11:15
376

Саламатсызбы. Силердин жардамыңарга дагы бир ирээт муктаж болуп турам. Атам жакын таанышынан эч бир документи жок, достук мамилесине салып, 2005-жылы мага жер алып берген. Акчасын дароо төлөгөнбүз. Кийин жер кымбаттап кызыл китеп бериле баштаганда, атамдын таанышы жерди сатпай калдым, акчаңарды алгыла, деп ортодон уруш чыкты. Каттоого барсак, жер анын наамында экен.

2005-жылдан бери ал жерде мен жашайм, өзүм 2-топтогу майыпмын. Кантип жерди өз наамыма өткөрүп алсам болот? Электр энергиясына, суу, таштанды, жер салыгын бардыгын өзүм төлөп келем.

Жердин ээси өз убагында үй салбаса, салыктарды ким төлөсө ошол жаранга берилет, деп уктум. Ошол чынбы? Эмне кылышым керек? Кеңеш бергилечи сураныч?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
09.01.2020, 11:17

Эркингүл Шаршенбекова

Адвокат

Саламатчылык. Сиздин көйгөй өтө орчундуу экен. Сиз айтып жаткан ким жашап, салыгын төлөсө, ошого катталып калат деген шарт КР Жарандык Кодексинин 265-беренесинин талаптарына дал келет.

Бирок, ал үчүн аталган жерде 15 жыл жашап, андан тышкары 3 жыл эскирүү мөөнөтүү өтүү зарыл. Тагыраак айтканда, толук 18 жыл.

Андай болгон күндө да, жер тилкеси каттоодон өтүп, жоопкердин атына катталып, кызыл китеби колунда болууга тийиш. Ошондо гана жашаган жерине караштуу райондук сотко доо арзы менен кайрылса болот. Же болбосо, сатып алуу жана сатуу келишими өткөрүлдү деп тааап бериңиз, деп кайрылыш керек.

Мыйзам чегинде жер тилкеси атаңыздын таанышына таандык. Сиздин майып экениңиз, эске алынбайт. Ал киши каалаган учурунда келип, жерди тартып алууга толук укугу бар.

Бардык жарандарды жашоосундагы олутту иш чараларды мыйзамдаштырып, кагаз жүзүндө каттатууга чакырам. Бул өз укуктарыңарды коргоо үчүн зарыл.

Ийгилик каалайм!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт