Мастит деген эмне? Себеби, белгилери, алдын алуу жолдору

2019.12.25, 16:39
1861

Баланы эмизүү эне үчүн да бала үчүн да пайдалуу жана керектүү. Бирок бул процесс ар дайым эле ойдогудай өтпөйт. Көп кездешкен көйгөйлөрдүн бири -  сүт безинин сезгенүүсү, башкача айтканда мастит.

Маститтин себебин, белгилерин жана алдын алуу жолдорун маммолог Аида Осомбаева айтып берди.

Мастит эмне себептен пайда болот?

Бул ооруга көбүнчө биринчи жолу төрөгөн келиндер туш болушат. Анткени жаңы эле көз жарган аял наристесин туура эмес эмизет. Үрпүндө жаракалар пайда болуп, ал аркылуу инфекция кирет. Дагы бир себеби, кичинекей бала сүттүн баарын эмип жетишпейт, ал эми жаш келиндер саагандан эринишет, же жалкышат, же саап туруш керек экенин билишпейт. Эмчекке сүт толуп ал маститке айланат.

Негизги белгилери кандай?

Маститти аныктоо оңой эле.

  • Аялдын дене табы кескин 39-40 градуска чейин көтөрүлөт;
  • Эмчеги катып, кызарат (кээде сыя түстө болот);
  • Сүт толуп, чыдатпай оорутат;
  • Ошол тараптагы колун көтөрө албай калат;
  • Алы кетип, денеси калтырайт.

Маститтин кандай түрлөрү болот?

Мастит лактациялык жана лактациялык эмес болуп бөлүнөт.

Лактациялык мастит менен эмизип жаткан келиндер оорушат. Бирок айрым учурларда, эмизбеген аялдар деле бул ооруга туш болуп калышы мүмкүн.

Ошондой эле маститти чукул (острый) жана өнөкөт (хронический) деп да бөлөбүз.

Маститти үй-шартында дарылоо мүмкүнбү?

Ооба, эгер жеңил эле формада өтүп жатса, баланы улам эмизип жатып эле жакшы болуп кетсе болот. Наристе ооруган эмчекти көбүрөөк эмип жатып эле сүт туруп калган каналдарды бошотуп коет. Башкача айтканда, бала энесин дарылайт.

Бала кичирээк болуп, сүттүн бардыгын эмгенге алы жетпесе “молокоотсос” - сүт саай турган каражатты колдонсо болот.

Бирок, эненин температурасы көтөрүлүп, эмчеги кызарып калса, анда сөзсүз дарыгерге кайрылуу керек. Анткени ириң пайда болгон учурда үй шартында дарылоого мүмкүн эмес.

Маститти алдын алуу жолдору

  • Баланы туура эмизүү. Эмгенде үрптүн өзүн эле эмес, ареоланы толугу менен эмиши керек. Кээде баланын тили кыска болгондо да туура эмес эмип, эмчектин кесилип кетишине алып келиши мүмкүн. Бул факторду да эске алып, педиатрга же хирурга баланын тилин көрсөтүп коюңуз.
  • Тез-тез эмизип туруңуз;
  • Эмчекти жылуу кармаңыз, суукка урунбаңыз
  • Жеке гигиенаны сактаңыз, б.а. айтканда эмчекти жана колду ар дайым таза кармаңыз.
  • Эгер инфекциялык ооруларга туш болсоңуз өз маалында дарыланыңыз.

 

Кандай гана ынгайсыздык же дискомфорт пайда болбосун дароо доктурга кайрлыгыла. Өзүңөрдүн ден соолугуңарга сак болгула.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
А
Аноним
11.09.2020, 23:47

саламатсыздарбы,мен мастит болуп жакшы боло баштадым эле,бирок эмчегим шишип тургандай болуп жатат.Катуу болгон жок,жон эле чыналгансып.Ушундай болуп айыга баштайбы мастит?

1
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт