Жеңем балдарды көрсөтпөй бизди кууп чыкты. Эмне кылсак болот?

2019.11.25, 11:11
394

Саламатсызбы! Менин жеңем жөнү жок үйүнө кетип кала берет. Мурда жалынып-жалбарып жүрүп алып келчүбүз. Мунусунда эч кимибиз барбай койдук. Кеткенде балдарды такыр көрсөтпөйт. Азыр да үйүнө барсак, көрсөтпөй кууп чыкты. Сот ЗАГСты үч ай аралыгында кесет экен. Биз бул убакка чейин балдарды кантип көрсөк болот?

 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
25.11.2019, 11:12

Нурислам Раимжанов

"Справедливость" укук коргоо уюмунун юристи

Урматтуу окурман, Кыргыз Республикасынын Үй-бүлө жөнүндөгү кодексинин 72-беренесинде "Бала менен чоң атасы, чоң энеси, таята, таянеси, ага-иниси, карындашы, эже-сиңдиси, жана дагы башка туугандары катташууга укуктуу" деп көрсөтүлгөн.

Ошондой эле, бул берененин 2-бөлүгүндө "Эгерде ата-энеси (алардын бири) баланын жакын туугандары менен катташуусуна мүмкүнчүлүк берүүдөн баш тартса, балдарды коргоо боюнча ыйгарым укуктуу мамлекеттик органдын аймактык бөлүмү ата-энени мындай катташууга тоскоолдук кылбоого милдеттендирет" деп айтылган.

Демек, силер социалдык коргоо башкармалыгына балдарды көрүүгө тосколдук кылып жаткан фактысы боюнча арыз менен кайрылууңар керек. Эгер,  балдардын апасы социалдык коргоо уюмуна баш ийбей, балдарды көрсөтүүдөн баш тартып жатса, анда сотко арыз жазгыла. 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт