Күйөөм “сени менен да жашайм, муну менен да жашайм” деп жатат

2019.11.22, 16:05
1396

Саламатсызбы. Менин 3 уулум бар. Төртүнчүсү менен кош бойлуумун. Жумушуман чакырышканынан Россияга келе бергем. Күйөөм артыман келмек болчу. Кыргызстанда өзүнө ойнош таап алыптыр. Ал кыз эмне деп башын айландырган билбейм, айтор аны бул жака ээрчитип келиптир. Эми мага “сени менен да жашайм, бул менен да жашайм” деп жатат.

Сураныч, кеңеш бериңизчи? Кандай айла кылсам болот? Балдарымды жетим калтырбай күрөшөйүн.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
22.11.2019, 16:07

Мария Самсонова

Психолог

Саламатчылык!

Эркек киши өзүнө ойнош тапканда, бул биринчи кезекте анын кандай инсан экенин көрсөтүп турат. Башка аял анын башын айландырып алды, деп ой жүгүртүү абдан ыңгайлуу позиция, бирок жаңылыштык.

Ишенип коюңуз, аны менен эч ким, эч нерсе кылган эмес. Бул анын жеке чечими, жеке жоопкерчилиги. Төрт балалуу болгонуна карабай туруп, ойнош күткөнү, анын тандоосу.

Ажырашуу балдарды жетим калды дегенди билдирбейт. Сиз ажырашкандан кийин күйөөңүз каза болуп калбайт да. Туурабы? Ажырашуу – бул аял менен эркектин ортосундагы мамиленин токтотулушу. Ажырашуу эркектин өз балдары алдындагы милдеттеринен бошотпойт. Балдардын энеси менен бирге жашабай калган күндө да, алардын жашоосуна толугу менен катышууга милдеттүү жана акылуу.

Мындай учурда кандай кыла турганыңызды өзүңүз чечиңиз. Эгер күйөөңүз сизге койгон шарттар жакпай жатса, аны менен макул болбой, ойношун кабыл албай койгонго толук акыңыз бар.

Психолог Мария Самсонова менен инстаграмдагы @samsonova.psiholog баракчасы аркылуу байланышсаңыз болот.

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт