Россиянын жараны болгон күйөөмдөн кантип алимент өндүрсөм болот?

2019.11.18, 09:46
357

Саламатсызбы! Күйөөм менен эки жылдан бери жашабайбыз. Ортодо 3 балабыз бар. Үчүнчү балам оорукчан болуп калды. Атасы бир да акча берген жок. Күйөөм өзү Россия жараны. Эки балам ошол жакта төрөлгөндүктөн, күйөөмдүн атында. Үчүнчүмдү Кыргызстанда төрөгөм. Жолдошум аябай куулук кылыптыр. Ортодо ЗАГСыбыз жок. Үч бала үчүн кантип алимент кырктырып алсам болот? Учурда ал Россияда. 

 

 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
18.11.2019, 09:48

Нурислам Раимжанов

"Справедливость" укук коргоо уюмунун юристи

Саламатсызбы! Күйөөңүз менен өз ара келишип, аталыкты аныктоо мүмкүн болбосо, үч балага алимент өндүрүү тууралуу жашаган жериңиз боюнча сотко кайрылууңуз керек. Сот сиздин арызыңыздын негизинде алимент өндүрүү жөнүндө буйрук чыгарып берет. Ал буйрукту алып күйөөңүздөн алимент өндүрсөңүз болот.

Жолдошуңуз Россиядан келгенде алимент төлөп берет, же анын жашаган жерин так билсеңиз, анда алимент өндүрүү боюнча иш кагаздарын ал жакка жөнөтсө болот. Кыргызстан менен Россиянын ортосунда жарандык жана кылмыш иштери боюнча келишим бар. Ошол келишимдин негизинде биздин жарандар Россия өлкөсүндө соттун чечимдерин аткара алат. Сот алимент өндүрүү буйругун чыгарганда, буйрукту ошол соттун кеңсесинен дароо Россияга жөнөтсө болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт