Оңолоюн дейм, бирок чыдабайм. Кандай ураан менен жашашым керек?

2019.11.12, 15:58
643

Саламатсызбы. Мен 16 жаштамын. Таенемдин колунда өстүм. Азыр мектепте окуйм. Өзүмдүн мүнөзүмө, кылык-жоругума түшүнбөйм. Оңолоюн дейм, бирок чыдабайм. Кичине нерсеге эле ачууланып, кыйкырчу болдум. Кандай ураан менен жашашым керек, жардам бериңизчи?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
12.11.2019, 15:58

Асель Баимбетова

Психолог

Саламатчылык!

16 жаш бул өспүрүм курак, жыныстык жактан жетилүүнүн мезгили. Ошондуктан, өспүрүм балдардын көпчүлүгүндө эмоционалдык туруксуздук байкалат. Сиз өзүңүздүн ички дүйнөңүздү түшүнбөй, кыялыңызды башкара албай кыйналып жатасыз. Мындай көрүнүшкө чоочулабаңыз, бул нормалдуу нерсе.

Колдон келсе өзүн-өзү өстүрүүчү китептерди көбүрөөк окуп, интернеттен видеолорду издеп, көрүңүз. Жаңы адамдар менен таанышып, алардын жашоосуна, көз карашына кызыгыңыз. Көп нерсени билип, үйрөнүүгө умтулуңуз. Сизди шыктандырган нерселерге кызыгыңыз. Өзүңүзгө хобби табыңыз.

Өспүрүм куракта адам изденип, жашоодогу максатын таап, турмуштун чоң жолуна аттанат. Кандай ураан алдында өмүр сүрө турганыңызды сиз гана чечесиз.

Сиз сөзсүз өз жолуңузду таап кетесиз! Ийгилик!

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт