// //

Жолдошум мени обу жок аял болбочу деп урушат. Психологдун кеңеши

2019.11.05, 09:45
1635

Турмушка чыкканыма 10 жыл болду. 3 кызыбыз бар, азыр дагы кош бойлуумун. Кийинки күндөрү жолдошум менен мамилем келишпей көп уруша турган болдук. Кылган иштеримди жактырбайт. Мени урушуп, ыйлатканга чейин жеткирет. Боюмда бар, жеңил эле оокаттарды кылайын, десем, “обу жок аялдардай болбочу” – дейт. Эч жерде иштебейт, бирок малдуубуз. Автомат машина алып берчи дегенге көнбөй койду “малды көбөйтөлү, сатканда не пайда?” - дейт. Абысыным да жумушка барат болчумун деп балдарын таштап кетет. Алардын үйдө жүргөнү ачуума тиет. Акыры чыдабай төркүнүмө кетип калдым.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
05.11.2019, 09:45

Эльвира Чокоева

психолог

Кутман күн!

Сиз буга чейин 10 жыл бою өзүңүздүн жеке оюңузду билдирбей, каалоо-тилектериңизди жакындарынызга айтпагандан улам учурдагы кырдаал келип чыккан окшойт. Жылдап чогулган нааразычылыгыңызды бир чогултуп, бир көрсөтүп жатасыз.

Анын үстүнө кош бойлуу экенсиз, гормоналдык өзгөрүүлөрдүн фонунда кыялыңыз ого бетер курчуп турган кези. Мурда көңүл бурбаган нерселер сизди ачуулантып жатат. Жолдошуңуз да мурункудай эмес, абысыныңыз да балдарын таштап койду.

Менимче, сиз өзүңүздүн каалоолоруңузду күйөөңүзгө мурда айтчу эмессиз. Ошондуктан ал кош бойлуулардын токсикозун жана кир жууган машинаны сураганыңызды эркелик катары кабыл алып жатат.

Тилекке каршы биздин маданиятта кыздарды башкаларга унчукпай кызмат көрсөтүүгө үйрөтүшөт. Чоңойгондо алар жеке оюн, пикирин айтууга даай албай калышат. Өмүр бою ыңгайлуу жана пайдалуу аялдын ролун ойношот. А бирок ал бактылуубу, эч ким сурабайт.

Азыркы тапта башкысы, аман-эсен көз жарып алыңыз. Өзүңүзгө көбүрөөк кам көрүңүз.

Ачууңуз тарагандан кийин бул постту дагы бир жолу окуп көрүңүз.

Эльвира менен инстаграмдагы @elvira_psiholog аккаунту аркылуу байланышсаңыз болот.

Бул жактан окусаңыз болот:

Эмне үчун аялдар өздөрүнүн кызыкчылыктарын курмандыкка чалат? Анын терс жактары

Өзүн-өзү сыйлаган аялдын 13 белгиси

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт