Иним аялына үч талак айтыптыр. Кайра никесин жаңыртса болобу?

2019.10.18, 10:37
569

Саламатсызбы! Иним аялына 3 талак айтып ажырашкан. Ортодо баласы бар. Эми жарашалы десе, молдолор болбой турганын айтышыптыр. Эмне кылса болот?

 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
18.10.2019, 10:39

Равшан ажы Эратов

КМДБнын фатва бөлүмүнүн башчысы

Жубайлар уруша кеткенде эле, эркек киши ачуунун үстүндө дароо үч талакты сүйлөп салат. Ажырашууну кааласа, бир талак жетиштүү болот. Үч талакты берип салгандан кийин, бул акыркы талак болуп, мындан ары никени жаңыртууга таптакыр жол калбай калат. Муну биз катуу эске алышыбыз керек. 

Ачуунун үстүндө бул нерселерди айтып алгандан кийин, ортодо балдар, мүлк, ата-энелер бар дегендей, алардын айтуусу менен кайра жашоого туура келет.  Мындай учурда үч талак айтылып калгандан кийин шариятыбыз никени жаңыртууга жол калтырган эмес. Ошондуктан, талак берүүнүн туура жолун билип алышыбыз керек.

Талак берүүнүн туура жолу, "мен сага талак бердим" десе, ушул сөз ажырашууга жетиштүү жана жубайлар эки башка болуп кетсе болот. Мындан кийин аялы үч талакты бергин деп талап кылбашы керек, эркек бул талакты бергенден кийин үстүнө кайталап талак бербеши керек. Бул учурда эмне болот? Кандайдыр бир мезгил өтүп экөө кайра жашай турган болсо, аларда жарашуу мүмкүнчүлүгү калат. Эгер үч талакты чогуу эле бир сөз менен кайталап берип салса, никени жаңыртууга таптакыр мүмкүнчүлүк калбай калат. 

Талактын чеги 3 гана. Тактап айтканда, эркек бир аялга үйлөнгөн мезгилде, ага өмүр боюуга үч жолу талак айтууга укук берилет. Андыктан, бул укукту туура пайдалана билиш керек.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт