Күйөөм тойдун эртеси эле ура баштады. Эмне кылам?

2019.09.29, 11:29
746

21 жаштамын. Турмушка чыкканыма бир жыл боло элек. Жолдошум тойдон кийин эле кол көтөргөн. Азыркы учурга чейин далай уруштук. Өзүм оор басырыктуу, көп сүйлөбөгөн, айтканын айткандай кылып, сөз кайрыбайм. Бир нерсе болсо күчүн менден чыгарат, жаман сөздөр менен сөгүп, урат. Акыркы күндөрү чүнчүп кеттим. Күйөөмдөн көңүлүм калды.

Өзүмдүн ата-энемди кыжалат кылбайын деп мунун бирин айтпайм. Өзүнөн өзү эле ура бермек беле деп ойлошуңуз мүмкүн, бирок чынында ошондой. Мас болуп келген күнү уйку жок. Уктап жатканда дагы тура калып бир чабат.

Ажырашкым келбейт, аны жакшы көрөм, бирок мага кылган мамилесин оңдой аламбы? Кантип оңдосом болот? Эмне кылам, кеңеш бериңиздерчи?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
29.09.2019, 11:31

Ширин Амантурова

Психолог

Саламатсызбы!

Окурман, жолдошуңуз экөөңүздөр менен бири-бириңиздерди толук билбей туруп турмуш куруп алгандай көрүнүш калтырып жатасыздар.

Баардык кылып жаткан мамиленин өзүнүн себеби бар. Эч себепсиз кол көтөргөнү, урушуп-талашканы, сизге карата болгон үй-бүлөлүк кордоосу деп түшүнсөк болот.

Ушундай кордукка баш ийип жатканыңыздын себеби эмнеде? Өзүңүз жазган кордук мамилеге качанкыга чейин чыдайсыз?

Сизди тынчсыздандырып жаткан көйгөйдү жашырбаңыз, ачыкка чыгарыңыз.

Бул сиздин жашооңуз, эч кимдин сизди кордогонго укугу жок. Бир үй-бүлөнүн келини, күйөөңүздүн жубайы болсоңуз, алгач өзүңүздү сыйлаганды үйрөнүңүз.

Кордукту эч качан жашырбаңыз, өзүңүздү, ден соолугуңузду ойлоңуз. Ата-энеңизге айтыңыз. 

 

 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт