Бир “трубамды” алып салышты. Төрөй аламынбы? Гинеколог жооп берет
Мен 25 жаштамын. Биринчи жолу “внематочный” болуп калып, бир “трубамды” алып салышты. Экинчи “трубада проходимость” аз экен. Бирөөсү менен балалуу боло аламынбы?
Раушан Джумагулова
Акушер-гинеколог
Ооба, бойго бүтүү мүмкүнчүлүгү азайганы менен, бир жатын түтүгү менен да төрөөгө болот.
Жатындан сырткары (внематочный) бойго бүтүп калуу – бул жамбаш сөөк органдарында өнөкөт сезгенүү (воспаление) болушунун натыйжасы. Ошондуктан жолдошуңуз менен бир дарыланып, сезгенүү процессине себепкер болгон инфекциялар менен күрөшүү зарыл.
Аны өз кезегинде дарылабаса спайкага алып келет. Жыйынтыгында бойго бүтүү функциясы жокко чыгат.
МААЛЫМАТ ҮЧҮН: Спайка – бул курсактагы органдардын ортосундагы бириктирүүчү ткандын өсүп кетиши. Анын натыйжасында жатын, жатын түтүктөрү, жумурткалар, ичегилер бири-бирине жабышып калат. Органдар өзүнүн табигый функцияларын аткара албайт.
Заманбап медицинанын мындай паталогияларды убагында аныктап, дарылоого дарамети жетет. Ден соолугуңузга жоопкерчиликтүү мамиле кылыңыз.
Ийгилик!