Төрөгөндөн кийин этек кири качан келиши керек? Гинеколог жооп берет
Саламатсызбы. Менин төрөгөнүмө 7 ай болду. Этек кирим дагы деле келе элек. Негизи канча убакыттан кийин келет? Дарыгерге көрүнүшүм керекпи? Пландалбаган кош бойлуулуктан сактануу үчүн эмне кылсам болот? Биринчи төрөтүм болгон үчүн билбей жатам.
Раушан Джумагулова
“Эркай” клиникасынын адиси, акушер-гинеколог
Төрөттөн кийинки этек кири ар кимдики ар кайсы учурда келе баштайт. Айрымдарыныкы төрөгөнүнө 40 күн болуп-болбой башталса, башкаларда баланы эмчектен чыгармайынча келбейт.
Кош бойлуулуктан сактануу үчүн түрдүү каражаттар бар. Эгер баланы эмизүүнүн ортосундагы аралык 6 сааттан ашык болсо (мисалы түнкүсүн эмизбейсиз), анда контрацепция тууралуу ойлонуу зарыл. Гинеколог менен кеңешип сизге ылайыктуусун тандаңыз.
Көбүрөөк маалыматты бул жактан алсаңыз болот:
Төрөт жана төрөттөн кийинки мезгил тууралуу эн көп берилчү 7 суроо