Айызым токтобой жатат, эмне кылышым керек? Гинеколог жооп берет
Мен 44 жаштамын. Мурда этек кирим өз убагында келип, эч кандай көйгөй жаралчу эмес. Азыркысы да убагында келди. Бирок 15 күндөн бери токтобой жатат. Дары ичсем басылат, ичпей койсом кайра келип жатат. Бул эмнеси?
Светлана Коздрович
Гинеколог-эндокринолог
Саламатчылык. Мындай абал климактикалык мезгилдин башталышына мүнөздүү болот.
Климакс – бул жаш куракка байланыштуу организмдеги өзгөрүүлөр. Анда аялдын жыныс системасынын функциялары өчөт. Аялдарга карата айтылганда менопауза - деген термин дагы колдонулат.
Менопауза башталганда аялдарда балалуу болуу мүмкүнчүлүгү токтойт. Орто эсеп менен 45-50 жаштан башталат. Негизи кыйналуусуз өтөт. Бирок айрым аялдар климаксты абдан оор көтөрөт.
Климакстын белгилери:
- бет, моюн, төш, арка кескин ысып, кызарып, тердейт;
- ашыкча терчил болуп калат;
- кан басымы көтөрүлүшу мүмкүн;
- баш айлануу пайда болот;
- маанайы себепсиз кескин өзгөрүп турат;
- уйку качат;
- тез чарчайт;
- оозу кургап турат;
- кескин толуп кетиши мүмкүн ж.б
Так диагнозун аныктоо үчүн гинекологго көрүнүп, анализ тапшырып текшерүүдөн өтүңүз. Балким дарыланышыңыз керек.