Баламды өз атыма кантип которуп алсам болот?

2019.08.13, 11:38
229

Саламатсызбы! Күйөөм экөөбүз жашабай калганыбызга 4 жыл болду. 6 жаштагы балабыз бар, мени менен жашайт. Ортодо ЗАГС жок, 4 жыл ичинде күйөөмдү көргөн жокмун, каякта экенин билбейм, алимент албайм. Учурунда арыз жазып, баламдын фамилиясын атасыныкына өткөрүп койгон элем. Эми өзүмдүкүнө кантип которуп алсам болот? 

Эксперттин жообу
13.08.2019, 11:39

Нурислам Раимжанов

"Справедливость" укук коргоо уюмунун юристи 

Саламатсызбы! КРнын Үй-бүлө Кодексинин 68-беренесинин 1-бөлүмүндө "Ата-энелер баланын толук өсүшү, билим алышы, ден соолугунун чыңдалышы жана аны үй-бүлөдө жана коомдо өз алдынча турмушка даярдоо үчүн зарыл шарттарды түзүүгө милдеттүү" деп көрсөтүлгөн.

Ушул эле Кодекстин 74-беренесинде "Эгерде ата-энелик милдеттерин аткаруудан, анын ичинде алимент төлөөдөн кыянаттык менен качса, анда аталык укугунан ажыратылууга негиз болот" деп айтылган.

Демек, балаңыздын атасы өзүнүн милдетин аткарбай жатса, аны аталык укугунан ажыратуу боюнча сотко доо арыз жазышыңыз керек. Эгер күйөөңүздүн жашаган жерин билбесеңиз, анын акыркы сизге белгилүү болгон жашаган жери боюнча сотко кайрыласыз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт