Кайын атамдын машинасы бар. Балдарыма кантип жөлөкпул алсам болот?

2019.08.06, 11:55
243

Саламатсызбы! Балдарыма жөлөкпул кантип алсам болот? Күйөөм экөөбүз тең иштебейбиз. Кайын ата, кайын энем менен чогуу турабыз. Кайын атамдын машинасы бар, кайын энем пенсия алат. Өзүмдүн ата-энем балдарга жардам бербейт.

Эксперттин жообу
06.08.2019, 12:01

Айкөл Турганбаева

КРнын Эмгек жана социалдык өнүгүү министрлигинин мамлекеттик жөлөк пулдар жана акчалай компенсациялар башкармалыгынын кызматкери

Саламатсызбы! “Үй-бүлөгө көмөк” мамлекеттик жөлөкпулу аз камсыз болгон, 16 жашка чейинки балдары бар үй-бүлөлөрдүн балдарына берилет.

“Үй –бүлөгө көмөк” жөлөкпулун чектөөдө айлык акы, ишкердик кылуудан, мал жандыктарынан, жер үлүшүнөн жана короо жанындагы участоктон алынган кирешелер эске алынат.

Ошондой эле, үй-бүлөдө иш абалындагы пайдалануу мөөнөтү 20 жылдан аз, кыймылдаткычынын күчү 2000 жана андан көп куб сантиметр болгон жеңил, чарбалык, жүк ташуучу унаалар жана автобус болсо, жөлөк пул чектелбейт.

Кайын атамдын унаасы бар деп жатасыз. Бир же бир нече үй-бүлөлөр чогуу жашашса жана бюджети бир болсо, жөлөкпул чектөөдө алардын жалпы бюджети эске алынат. Эгер силердин бюджетиңер өзүнчө болсо, балдарга жөлөкпул дайындоодо кайын атаңыздын машинасы эске алынбайт. Бирок ал үчүн айыл өкмөтүнөн үй-бүлө бюджети эки башка деген маалымкат талап кылынат.

Ата-энем балдарыма каралашпайт деп жазыпсыз. Балдар жөнүндө Кодексте ар бир ата-эне өз баласын өзү багууга милдеттүү так айтылган. Маселе жөлөкпул алуу менен гана чечилип калбайт. Жөлөкпул убактылуу акча.

Күйөөңүз экөөң тең иштебесеңер, шаардык жана райондук эмгек жана социалдык өнүгүү башкармалыктарында атайын иш менен камсыз кылуу бөлүмү бар. Ал жерде бекер курстар окутулат, барып окуудан өтсөңөр, жумуш таап берүүгө көмөктөшүшөт.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт