Түнү менен уктай албай чыгам. Эмне кылсам болот?
Саламатсызбы! Мага жардам бериңизчи. Мен түнү менен уктай албай жатам. Күндүзү да уйку жок. Кээбир күндөрү эки күн катары менен уктабай жүрүп калам. Эмне кылсам болот?
Асель Сыдыкбекова
Терапевт
Окурман, уйку катуу нерв болгондо, ой-санаа басканда, көп ойлонгондо бузулат. Эгер башка жактарыңыз оорубаса психологго же психотерапевтке кайрылсаңыз туура болот.
Ширин Амантурова
Психолог
Адистер уйкусуздуктун эки түрүн бөлүп карашат:
- Физиологиялык;
- Психологиялык.
Психологиялык уйкусуздуктун бирден бир түпкү себеби – узак убакытка созулган депрессия, башынан өткөрүп жаткан стресс, чечилбей жаткан ой-санаалар.
Көйгөй жараткан маселени чечкенде гана уйкусуздук өзүнөн өзү жоголот. Эң негизгиси түпкү маселени чечиңиз. Бул уйкусуздук эмнеден кийин пайда болду? Көйгөйлөрүмдү кантип чечем? Ушул сыяктуу суроолорго жооп берип, маселени чечүү жолун издеңиз. Жылуу ванна, сейилдөө, көйгөйлөрдөн алыс болуу, унуткаруу уйкусуздуктан арылууга жардам берет.
Ден соолукта болуңуз!