Тайкемдин баласы жер талашып жатат. Юрист жооп берет
Саламатсызбы! Учурда туугандар жер талашып жаткан чагыбыз. Менин таенем, таятам, апам, ортончу жана кичүү тайкем каза болуп калышкан. Ортончу тайкемдин балдары жок эле. Менин бир карындашым бар. Жакында кайтыш болгон кичүү тайкемдин баласы келип, "атам үйдүн кичүүсү болчу, анын баласы мен, андыктан, чоң атам менен чоң энемдин жерин өзүмө өткөзөм", - деп жатат. Бул кылганы туурабы? Туугандар чогуу бөлүшүп алсак болобу?
Нурислам Раимжанов
Юрист
Саламатсызбы! Тилекке каршы, жердин документтерин көрбөй туруп, толук жооп бере албайм. Мүлк үйдүн кичүүсүнө же чоңуна калат деген нерсе жок. Болгону мураскорлордун тартиби бекитилген: биринчи кезектеги, экинчи кезектеги дегендей.
Көзү өтүп кеткен адамдардын мүлкү калгандан кийин балдары мураскор катары, мурасты өзүнө каттатып алуу үчүн нотариуска кайрылышы керек. Кыскасы, тактай турчу жагдайлар көп экен. Редакциядан менин номеримди алып, мага байланышка чыксаңыз, кеңеш бере алам.