Паспорт алайын десем базада жок экенмин. Эмне кылышым керек?

2019.07.02, 12:53
177

Саламатсызбы! Мен Кыргызстандын жаранымын, бирок көп жылдан бери Россияда иштейм. Бул жака келип документтеримдин бардыгын уурдатып жибердим. Паспорт алайын деп Аксы районуна кайрылсам, базада жок экенсиң деп бербей коюшту. Колумда балдарымдын күбөлүгүнөн башка эч кандай документ жок. Алар россияда төрөлүшкөн. Күбөлүгүндө “мать гражданка Киргизии” деп жазылган. Суранам, жардам бериңизчи, эмне кылышым керек?

Эксперттин жообу
02.07.2019, 12:53

Бакай Алишеров

КР Мамлекеттик каттоо кызматынын пресс-катчысы

Саламатчылык! Базадан атыңыз чыкпаганы Кыргызстанда каттооңуз жок болгондугуна байланыштуу.

Сиз азыр турган үйдүн техпаспортун алып, үйдүн кожоюнунан анын үйүндө катталууга макулдугун алып, нотариустан ишендирип аласыз.

Эгер үйдүн ээси макул болбосо, жашаган райондун айыл өкмөтүнө келип, арыз жазасыз. Мыйзам боюнча алар сизди өзүнүн дарегине каттап беришет. Каттоодон өткөндөн кийин паспорт столуна барып тиешелүү документтерди тапшырасыз.

Жаныңызда эски паспортуңуздун көчүрмөсү же төрөлгөндүгүңуз тууралуу (же нике) күбөлүк болсун. Мамлекетке төлөнүүчү салык 460 сом.

Ийгилик!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт