Бойдон түшүп калгандан кийин канча убакытта кайра бойго бүтүп калышы мүмкүн?
3-майда боюман түшүп калган. 17-майда көрүнгөндө бардыгы таза деп айтышкан. Андан бери айызым келе элек. Кайра боюма бүтүп калышы мүмкүнбү?
Раушан Джумагулова
Акушер-гинеколог
Бойдон түшүп калгандан кийин, этек кири бир айдан кийин келет (бойдон түшкөн күн этек киринин биринчи күнү катары эсептелет, кийинки айдын ошол күнүндө кайра айыз келиши керек). Эгер бойдон түшкөндөн кийин ооруканадан да тазалашса, демек ошол күндү этек кирдин биринчи күнү катары эсептейсиз.
Теориялык жактан алып караганда, бойдон түшкөндөн кийин 10 күндүн ичинде кайра бойго бүтүп калышы мүмкүн. Бирок биз, дарыгерлер, жок дегенде бир айга чейин сактанууну сунуштайбыз. Ал ортодо ИПП, гормондорго анын ичинде калкан безинин гормондоруна анализ тапшыруу зарыл. Нормага ылайык болбосо тиешелүу дарыларды ичип, дарылануу кажет.
Ден соолукта болуңуз!