Жарашыктуу кийинүүнүн сырлары. Стилист Эвелина Хромченкодон 10 кеңеш

Эвелина Хромченко мода жана стиль тармагындагы атактуу эксперт. Анын туура кийинүү боюнча берген кеңештери азыркы тапта актуалдуу. Кийим тандоодо төмөндөгү кеңештерди колдонсоңуз ар дайым мыкты кийинген болосуз.

• Сапаттуу кара шым, ак көйнөк жана ачык түстөгү шарф – мыкты кийинүүнүн сыры.
• Бул эрежени эсиңерге тутуп алыңыз! Барпыйган, көлөмдүү көйнөк – жылмакай чач жасалга, кыска көйнөк – калың колготки, жылтыраган көйнөк – жөнөкөй бижутерия. Сиздин сырткы келбетиңизде бир гана активдүу зона болсун.
• Кийимиңиз сиз тууралуу өзүңүз айтып бергенден да көбүрөөк маалымат берет.
• Кийимге болгон табитти машыктыруу керек. Көңүл бөлбөй коеруң менен карылык башталат.
• Жолугушууга баратканда көкүрөк, бел жана жамбаш үчөөнүн ортосундагы айырмачылыкты баса белгилеп турган кийимди кийиңиз.
• Өзүңүздүн дене түзүлүшүңүздөн уялбаңыз, табиятыңыздан кандай жаралсаңыз да сулуусуз. Башкысы артыкчылыктарыңызды туура көрсөтө билүү.
• Мода бул жалтыраган жана кымбат кийим кече эмес, мода бул жарашыктуу юбка, бутту узунураак көрсөткөн шым, жана киериң менен маанайыңды көтөрүп койгон көйнөк.
• Эгер карьера жасайм десеңиз, карьераңыз ишке ашып калгандай кийиниңиз!
• Ар бир кийим өзүн актап, узак убакытка чейин иштеш керек!
• Кыздары бар апалар, сөзсүз кыздарыңарды жарашыктуу кийингенди, боенгонду, таранганды үйрөткүлө. Аял заты табиятынан сулууланганды билет деген – жаңылыштык.

Күн ысыкта жарашыктуу жана ыңгайлуу кийинүүнүн 5 варианты. Бул жерден окунуз.