Москвада иштейм, кызымды сагындым, бирок иштеп акча чогултушум керек

2019.05.28, 14:37
279

Саламатсызбы. Мен ажырашкан аялмын. Сегиз жаштагы кызымды кайын энем карайт. Москвада иштеп жүргөнүмө бир жылдын жүзү болуп калды. Кыргызстанга кызымдын жанына баргым келет, аябай сагындым. Бирок иштеп үй алышым керек. Аябай кыйналып кеттим. Мага кеңеш бергилечи?

Эксперттин жообу
28.05.2019, 14:37

Виктория Исакова

“Илим” билим берүү комплекси, Психологиялык колдоо борборунун жетекчиси, психолог

Кутман күн! Албетте эне үчүн балдарынан алыс болуу өтө оор. Кыстаган турмуштун айынан алыс жака барып иштөөгө аргасыз болуп жатасыз. Кыйналганыңыз аз келгенсип, баланын алдында өзүңүздү күнөлүү сезүү сезими да жүрөктү эзип жатат.

Алгач эмне үчүн мындай кадамга барганыңызды так түшүнүп, билип алуу керек. Мындай чечим кабыл алууңузга эмне себепкер болду?

Кызыңыз менен тынымсыз байланышып, сүйлөшүп туруңуз. Сиздин жашооңузда болуп жаткан окуяларды айтып бериңиз, анын да жашоосу тууралуу кызыгып сураңыз, кеңеш бериңиз, кеңеш сураңыз. Ошону менен өзүңүздүн мээримиңизди жана кам көрүүңүздү билдириңиз.

Ал эми жаман ойлор, сагынуу, кусалык басканда, алдыга койгон максатыңызды эстеп, ийгиликке жетүүнү көздөңүз.

Ийгилик!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт