Кайын энемдин үйүн кантип өзүбүзгө өткөрүп алсак болот? Юрист жооп берет
2019.05.25, 11:25
1242
Саламатсызбы. Менин суроомо жооп алып берүүңүздү суранам. Кайын ата, кайын энем өтүп кеткен. Алар салган эски тамдын ордуна жаңы үй салдык, бирок үй дагы деле кайын энемдин атында. Жолдошум РФтин жараны. Үйдү жолдошумдун атына кантип өткөрүп алсак болот?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
25.05.2019, 11:26
Ширин Алмазова
“Линия защиты” укук коргоочу коомдук фонддун адиси, юрист
Сиздин жолдошуңуз энесинин туруктуу жашаган жери боюнча мамлекеттик нотариалдык конторага кайрылып, мураска өткөрүп алуу укугу боюнча күбөлүк берүү арызы менен кайрылышы керек. Арызга:
- энесинин каза болгондугу тууралуу күбөлүгү;
- өзүнүн туулгандыгы тууралуу күбөлүгү;
- ушул үйдө энеси менен бирге жашагандыгын тастыктаган 50 формасындагы маалым кат;
- ушул үйгө укугун далилдөөчү документ (үйдү сатып алгандыгы тууралуу келишим, ж.б.);
- Мамкаттоо кызматынан аталган үйгө выписка;
- мамлекеттик төгүмдү төлөгөндүгү жөнүндө квитанциясы тиркелет.
Ийгилик!
0
Пайдалуу жооп