Эркектердин климаксы тууралуу уролог айтып берет
“Medcenter.kg” медицина борборунун хирургия бөлүмүнүн башчысы, уролог Азат Бейшенов простата безинин аденома оорусу тууралуу айтып берди.
Простата безинин аденомасы – эркектердин климаксы. Аялдар климакс болгондо тердеп, өзүн башкача сезип, кан басымы көтөрүлсө, эркектердики сыртынан билинбейт. Мындай өзгөрүүлөр простата безинин аденомасы аркылуу көрүнөт.
Простата безинин аденома оорусу - 100% эркектин баарында тең болот.
Ошондуктан, жылына УЗИ диагностикадан өтүп, простата без шишиги залалдуубу же жокпу билүү үчүн ПСА (простата специфический антиген) анализин тапшыруу керек.
Оорунун белгилери:
- түнкүсүн заара кылганы 2 же андан көп жолу ойгонот
- заара кылып бүткөндөн кийин табарсыкта сийдик калып калгандай сезим пайда болот
- заара ушата албай 1-2 мүнөт турушу мүмкүн.
Дарылоонун 2 жолу бар:
- Дары-дармек аркылуу – бейтап өз убагында кайрылса.
- Операция – простата бези өтө эле чоңоюп кетсе.
Простатитти убагында дарыласа, аденома простата жеңилирээк өтөт. Ошондой эле, “простатитти дарылап жүрөм, бирок, эмне үчүн аденома пайда болду?” дегендер жок эмес. Айта кетчү нерсе, простата безинин аденомасы атадан балага өтүп тукум куушу мүмкүн.