Ата-энем ажырашып кеткен, атамдын үйүнө мураскер боло аламбы?

2019.04.17, 16:53
103

Мен төрөлгөндөн кийин эле ата-энем ажырашып кетишкен экен. Беш айлык кезимен тартып таята, таенемдин колунда чоңойдум. Атам менен байланышым жок болчу. Мага паспорт аларда гана апам атамдын айылына барып мыйзамдуу түрдө ажырашып келген. Алимент кестирген эмес. Мен атамдын фамилиясындамын. Кийин атамдын каза болгонун уктук. Чоң энем чалып, кезигүүнү өтүнүп, атамдын үйү бар экенин жана мага мурас катары калса деген ниети бар экенин билдирди.

Атамдын экинчи аялынын да балдары бар экен. Алар атамдын балдары эмес, бирок анын фамилиясын алып жүрүшөт. Эми мен атамдын жалгыз уулу катары ошол үйгө мураскер боло аламбы?

Эксперттин жообу
17.04.2019, 16:53

Равшан Набиджанов

Юрист

Урматтуу окурман, мыйзам боюнча атаңыз сизден сот аркылуу баш тартпаса жана күбөлүгүңүздө атасы деген графада атаңыздын аты турса, сиз анын мүлкүнүн мураскери болуп саналасыз. Бирок, сизден тышкары атаңыздын фамилиясын алган 2 уулу бар экен, алар да мураскер болуп саналат. Ошондо мыйзам боюнча сот аркылуу чечиле турган болсо бардык мүлк тең үчкө бөлүнөт. Кааласаңар соту жок эле, сүйлөшүп чечип алсаңар болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт