Кыз кишилер атадан калган үйгө талапкер боло алышабы? Юрист жооп берет
Атам каза болгонуна быйыл 1 жыл болот. Биз төрт бир тууганбыз, төртөөбүз тең кыз. Атамдын бир туугандары үйүбүздү өз атына каттатып, биз апам менен көчөдө калганы жатабыз. Ошондо кыз кишилер адам эмеспи? Биз эмне мураскер боло албайбызбы? Ушул маселе боюнча кимге кайрылсак болот?
Чон апамдын, чоң атамдын бир туугандарынын тааныштары көп. Бизде таяна турган кишибиз да жок.
Равшан Набиджанов
Юрист
Саламатсызбы окурман. Албетте, туугандарыңыздын кылып жатканы туура эмес. Мыйзам боюнча маркумдун мүлкүнө биринчи иретте анын жубайы, экинчи иретте анын балдары талапкер. Туугандарынын бири да ал мүлккө ээлик кыла албайт.
Сиз үйдүн документтеринин бардыгын топтоп, юристке кайрылышыңыз керек. Мисалы “Адилет” укуктук клиника жана Социалдык өнүктүрүү министрлигиндеги юристтер акысыз жардам көрсөтөт.
Суроолоруңуз болсо мага да чалсаңыз болот. Кененирээк түшүндүрүп берүүгө аракет кылам. Менин телефон номерим 0755 577793.