Ашыкча манжаны операция менен алдыртса болобу? Хирург жооп берет
Саламатсызбы Bilesinbi.kg. Менин суроомо жооп алып бересизби. Кыргызстанда ашыкча манжаны операция аркылуу алдыртса болобу? Эгер болсо кайсы жерге кайрылыш керек? Мындай операция зыян эмеспи?
Канат Апиев
Хирург
Ашыкча манжаны алып салуу боюнча операциялар Улуттук госпиталдын Реконструктивдүү хирургия жана манжа хирургиясы бөлүмүндө жасалат. Көрбөй туруп зыян же зыян эмес экенин айтуу кыйын. Биз ар бир бейтапты көрүп, анализ тапшыртып, чыккан натыйжалардын негизинде операция жасатуу керек же керек эмес деп так жооп бере алабыз.
Операция акысыз, бирок госпитализация үчүн акы төлөнөт. ОМС жана катталган жериңизге ылайык акчасы эсептелинет.
Биздин дарек: Бишкек шаары, Тоголок Молдо көчөсү 1/5а.