Кош бойлуумун, ичим аябай ылдый. Коркунучу жокпу? Гинеколог жооп берет
Саламатсызбы. Мен кош бойлуумун, 27 жума болуп калды. Бирок ичим аябай ылдый. Элдер эрте төрөп салышың мүмкүн, деп айтып жатышат. Бандаж тагынып жүрөм, дагы эмне кылышым керек?
Раушан Джумагулова
Акушер-гинеколог
Эгер буга чейинки төрөтүңүздө баланын салмагы чоң болуп, чоң көтөрсөңүз, жатыныңыз ылдый түшүп (опущение матки), азыркы кош бойлуулугуңузда да ичиңиз ылдый болуп турат.
Балким, сиз арыксыз, организмде майдын катмары болбогондуктан, ичтеги бала улам салмак кошкон сайын, органдарга күч келип, ич ылдый түшөт.
Ичтин ылдый түшүшүнөн эрте төрөп салуу мүмкүн эмес. Эгер кандайдыр бир инфекция жукса эрте төрөт (преждевременные роды) коркунучу пайда болот.
Бандажды тагынып жүргөнүңөр туура. Андан тышкары оор көтөрбөгүлө, эс алганда бутуңарды жогору көтөрүп жаздыгы жок жатканга аракет кылгыла.
Аман-эсен көз жарып алыңыз!