Соттолгондугу тууралуу статус канча убакытта жоюлат?

2019.03.11, 14:35
250

Саламатсызбы Bilesinbi.kg. Менин досум майда кылмыш менен 2 айга камалып чыккан. Аны бошотуп жатышканда орто өлчөмдөгү айып пул төлөйсүң деп бошотушкан экен. Бирок, ошондон бери ал штрафтан кабар жок. Айып пул тууралуу кабар кайда, канча убакытта келет? Кайсы жерге барып тактаса болот?

Ошондой эле, досум чет өлкөгө кетмек. Ага соттолгон эмес деген маалымкат керек. Соттолгондугу тууралуу статус канча убакытта жоюлат?

Эксперттин жообу
11.03.2019, 14:39

Ширин Алмазова

юрист

Сот соттолуучудан айып пулду өндүрүү тууралуу аткаруу баракчасын (исполнительный лист) ал жашаган Райондук соттук аткаруучу кызматынын бөлүмүмүнө жөнөтөт. Соттук аткаруучу айып төлөөчүгө катты берет. Анда, айып пул 10 күндүн ичинде төлөнүүгө тийиш деп жазылган.

Сиздин досуңуз өзүнүн жашаган жерине караштуу Соттук аткаруучу кызматынын бөлүмүнө, андан айып пулду өндүрүү боюнча аткаруу баракчасынын бар же жогун тактап берүүнү өтүнгөн арызы менен кайрылып, штрафты төлөөсү зарыл.

Эгер айып пул өз убагында төлөнбөсө, соттук аткаруучу анын өлкөдөн чыгып кетүүсүнө тыйуу салып коюшу мүмкүн. Андан тышкары анын мүлкүн, акча каражатын камакка коюу тууралуу билдирүү жазууга акысы бар.

Учурдагы иш жүзүндөгү мыйзамга ылайык, кылмыш кылган адам соттолгон эмес болуп саналат:

  • жазасын тартып бүткөн убакыттан бери 3 жыл өтсө;
  • анын кылмышы өтө оор эмес болсо.

Эгер адам жаза тартуудан бошотулса, соттолгондугу жаза тартуудан толугу менен бошотулган күнү, же сыноо мөөнөтү ийгиликтүү аяктаган күнү жоюлат.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт