Табигый контрацепция: календардык ыкма жана лактациялык аменорея

2019.03.10, 12:26
1180

Bilesinbi.kg Республикалык ден соолукту чыңдоо борборунун жетекчисинин орун басары Жамийла Усуповадан күтүүсүз кош бойлуулуктан сактоочу табигый каражаттар жөнүндө сурады.

Күтүлбөгөн кош бойлуулуктан сактануунун эки ыкмасы бар: табигый жана жасалма. Бүгүн мен силерге табигый контрацепция, тактап айтканда лактациялык аменорея жана календардык ыкма тууралуу айтып берем.

Лактациялык аменорея

Лактациялык аменорея - төрөттөн кийин алгачкы 6 ай баланы эмизип жаткан учурга жарай турган убактылуу ыкма. Төмөнкү шарттарды аткарганда гана натыйжалуу болот:

  • аялдын этек кири келе элек;
  • 6 айына чейин балага кошумча тамак бербей, күнү-түнү эмчек гана эмизет;
  • баласынын жашы 6 айга жете элек.

Бул шарттардын бирөөсү гана аткарылбаса, бойго бүтүп калышы ыктымал. Мисалы, аял баласын төрт айына чейин эмизип, кийин кошумча тамак берүүгө өтсө, бала эмчекти көп эмбей калса, анда 4 айдан кийин эле аял кош бойлуу болушу мүмкүн.

Календардык ыкма

Бул табигый ыкма бойго бүтүп калуу үчүн “коопсуз” жана “кооптуу” күндөрдү аныктайт. Этек кири үзгүлтүксүз, туруктуу келген аялдар колдоно алат.

Ай сайын календарга айыз күндөрүн белгилеп турушу керек. Кээ бирөөлөрдүн менструалдык циклы 24, айрымдарыныкы 31 күнгө созулат. Ошондуктан айым, циклин жатка билүүсү зарыл.

Этек кир келген күнүн эсептеп, овуляция күндөрүн (кайсы күндөрү жыныстык катнашка барбашы керек экенин) гинеколог так айтып берет.  

 

Г
Гульнара Абдраимова
10.03.2019, 14:35

Саламатсызбы сизде сууроом бар эле.этек кирим убагында кетет.акыркы жолу январьдын 31де келди эле ошондон бери келбей атат3 балам бар кичуусу 1,5ай болду боюмда болуп калган жокпу

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт