Түрмөдө отурган адам жакшы күйөө боло алабы? Психолог кеңеш берет
Нурайым (аты-жөнү өзгөртүлдү) студент. 4 ай мурун ага социалдык тармактан бирөө кат жазат. Сүрөтүнөн келишимдүү жигит экенин көрүп жооп берет. Арадан убакыт өтүп, экөө ынак болуп калат. Көп өтпөй жигит түрмөдө экенин айтат.
Салам Bilesinbi.kg! Мен учурда кеңешке муктажмын. Жигитим бар. Интернет аркылуу таанышканбыз. Жакында түрмөдө экенин айтты. Шылуундук (мошеничество) менен айыпталып олтурганына 6 ай болуптур. “Күнөөлүү эмесмин, 1 айдан кийин чыгам”,- деди. Эмне кылышты билбей турам. Мен ага көнүп калгам.
Жигит жөнүндө билген Нурайымдын апасы ачуусун баса албай турган кези.
Кечээ апама айтсам катуу урушту. “Эгерде аны менен мамилеңди үзбөсөң, сүйлөшпөйм”,- деди. Кандай ойлойсуңар, түрмөдөн чыккан адам жакшы ата, күйөө же жигит боло алабы? Ал менен олуттуу мамиле курсам болобу?
Тамара Воронцова, психолог
Кымбаттуум! Өзүң жөнүндө аз жазганың өкүнүчтүү. Кел анда, камактагы бала менен болгон мамилеңди талдап көрөлү. Биринчиден, алардын баары кыздарга күнөөлүү эмес экенин айтат, чын-чынына келгенде 99% айыбына жараша соттолгон. Шылуундук беренеси да жөн берене эмес.
Эмне себептен өзүнө көндүрүп, андан кийин абакта экенин айткан адамга ишенип жатасың? Көп учурда, түрмөдөн келген сүйүү каттарын кат ээсинин ордуна кооз жазганды билген жанындагы бирөө жазып берет. Кат жазышуу менен болгон мамиле - бул үй-бүлө кура турган мамиле эмес. Аны менен жөн гана сүйлөшкөн жоксуң да туурабы? Сен өзүңө күйөө жана келечектеги балдарыңа ата тандап жатасың.
Кийин кызың мыйзамды бузган же баңги колдонгон адамга турмушка чыгышына макул болот белең? Башка жигиттер менен таанышып, жолугуп, андан кийин татыктуусун тандап ал. Сезимдериңди гана эмес, акыл-эсиңди жана апаңды ук. Эч ким сени апаңдай жакшы көрбөйт.
Жакшылап ойлон кымбаттуум!