Папилломавирус энеден балага жугабы? Гинеколог жооп берет
Саламатсызбы. Папиллома вирус тууралуу айтып бере аласызбы? Менду мурда бар болчу. Дары ичип, аябай дарылангам. 8 айдан кийин боюма бүткөн. Бул оору балама өтүшү мүмкүнбү?
Раушан Джумагулова
Акушер-гинеколог
Папилломавирустук инфекция кеңири жайылган оору. Бул дарт көбүнчө жыныстык катнаш аркылуу жугат, бирок тиричиликте да жугузуп алуу коркунучу бар (мисалы бассейнде). Папилломавирустук инфекция жукканда жыныс органдарында, колтуктарда, моюнда учтуу кондиломалар пайда болот. Аларды кетирүү комплекстүү дарыланууну талап кылат.
Вирус энеден балага төрөт каналдарынан (родовые пути) өтүп жаткан учурда жугушу мүмкүн. Ошондуктан мындай диагнозу бар аялдарга кесарево жолу менен төрөө сунушталат.
Эгер көбөйү, чоңою сыяктуу эч кандай белгилери байкалбаса, папиллома вирустар 2 жылдын ичинде өзү жок болот.
Сиз, дарылангам деп жатасыз. Демек, сизде бардыгы жайында. Кам санагандын кажети жок, оору балага өтпөйт.