Кесареводон кийин төрөй албай калдым. Гинеколог жооп берет
Саламатсызбы, мен сизден сурайын дегем. Биринчи баламды өзүм төрөгөм, экинчисин 2009-жылы кесарево менен төрөдүм. Ошондон бери боюма бүтпөй атат. Менин жатын түтүктөрүмдү (трубаларымды) бууп салышкан окшойт деп шекшип жатам. Аны кантип билсем болот? Кимге текшерилишим керек?
Раушан Джумагулова
Акушер-гинеколог
Кесарево операциясы кыйынчылыксыз өтсө тукумсуздукка алып келбейт. Дарыгерлер сиздин макулдугуңузду албай туруп жатын түтүктөрүңүздү буумак эмес. Андай болгон күндө да, операция бүткөндөн кийин сизге маалымдашмак. (Выпискага – бардык медициналык манипуляциялар жазылууга тийиш).
Жатын түтүктөрдү текшерүү үчүн - гистеросальпингография деген процедура бар. Андан тышкары толугу менен кароодон өтүү керек. Булар: УЗИ, гормоналдык скрининг, сезгенүүгө каршы терапия. Албетте жолдошуңуз менен биргеликте.
ден соолукта болуңуз!