Оорумдун айынан жолдошум менен көп урушам. Гинеколог жооп берет
"Билесиңби" жамаатын кызыгуу менен күндө окуп турам. Сиздердин гинекологдон кеңеш алсамбы дедим эле.
Акыркы жылдары көп ооручу болдум. Бирин дарыласам, экинчиси пайда болот. Мунун азыбынан жолдошум менен да көп таарынышам. Жыныстык жагыма ар кандай бүдүрлөр бат-баттан чыгып турат. Мындан сырткары, жумурткаларымдын сезгенүүсүн айыктыра албай жүрөм. Балким ошол себептен боюмда да болбой жатат. Эмне кылышым керек? Башка дарыгерге кайрылышым керекпи? Алдын ала ыраазычылык билдирем.
Гүлзина Мадраимова
Акушер-гинеколог
Урматтуу окурман, "Билесиңби" менен бирге болгонуңуз үчүн мен да ыраазычылыгымды билдирем.
Гинекологиялык ооруларды дарылаганда, жуптарды бирдей көрүп, бир учурда дарылоо керек. Жакшы боло албай, улам ооруп калышыңыздын себеби ушунда болушу мүмкүн. Анткени, бири-бириңердин ооруларыңарды жугузуп коюп жатасыңар. Балалуу болуу үчүн, жыныстык оорудан арылуу үчүн күйөөңүз да көзөмөлдөн өтсүн, бирге текшерилип, дарыланыңыз.
Мындан сырткары иммунитетиңизди көтөрүү керек.
Ден соолук каалайм!