Менден дарыгерлер мыйзамсыз акча алыштыбы?
Бейтапканага барып тишимди жулдурттум. Кабыл алгандыгы үчүн 1000 сом алды. Бул мыйзамдуубу? Эки күндөн кийин кайра барсам, дагы акча беремби? Деги эле дарыгерлер кызматына акы алуу каралганбы?
Кыргыз Республикасынын өкмөтүнө караштуу милдеттүү медициналык камсыздандыруу фонду
Урматтуу окурман, мамлекеттик ооруканага кайрылдыңызбы же жеке клиникагабы?
Жеке клиникаларда дарыгердин кызмат акысы көрсөтүлгөн прейс-курант бар. Эгер 1000 сом деп көрсөтүлсө, ал акыны төлөйсүз.
Ал эми, КРнын жараныдарын медициналык-санитардык жардам менен камсыз кылуу боюнча мамлекеттик кепилдиктер программасында, стоматологиялык жардамдын төмөнкү түрлөрү бекер көрсөтүлөт:
- мектепке чейинки билим берүү мекемелериндеги балдардын, жалпы билим берүү мекемелериндеги окуучулардын, кош бойлуулук боюнча каттоого турган аялдардын ооз көңдөйүн алдын алуучу текшерүү иштери;
- зарыл болгон дары-дармектик камсыздоо менен бирге шашылыш стоматологиялык жардам;
- ооз көңдөйүнүн санациясы чыныгы жашаган жеринде каттоого (приписка) турган төмөнкү категориядагыларга:
- 10 жашка чейинки балдарды кошо алганда,
- 70 жаштагы жана андан улуу пенсионерлерге,
- кош бойлуу аялдарга.