Намыскөйлүк терс сапатпы?
Абдан намыскөймүн. Акыркы күндөрү ата-энем менен ушу сапатымдын айынан көп урушчу болдум. Мени башка адам менен салыштыргандары жакпайт. Кантип намыскөйлүктөн арылсам болот?
Ширин Амантурова
Психолог
Кымбаттуум, ар бир адам уникалдуу. Муну эсиңизден чыгарбаңыз.
Ата-эне баласынын акылдуу, билимдүү, мындайча айтканда кыйын адам болушун каалайт. Башкалардан мүнөзүңүз, кылык-жоруктарыңыз, келбетиңиз менен айырмаланып турарыңызды жакындарыңыз түшүнсө жакшы болмок. Башкаларга салыштырып, өзүңүзгө болгон бааны, ишеничти жоготуп жатышат.
Кантип күрөшүш керек?
- Өзүңүзгө болгон ишенимди жогорулатыңыз;
- Мотивация берген китептерди окуңуз;
- Хоббиңиз менен алектениңиз.
Намыскөйлүк сапатыңыздын кайсы бир учурда кереги тийсе, кээде тоскоолдук жаратаарын билдик.
Жакшылап ойлонуңузчу, жашооңуздагы эң сонун учурларды өткөрүп жаткан жоксузбу?
Эмоцияңызды, сезимдериңизди намыстанып билдире албаганыңыздын зыяны өзүңүзгө тийет. Сезимди, эмоцияны, таарынычты билдиргенди үйрөнүңүз. Жеңилдеп каласыз. Ийгилик!