Маркум карындашымдын балдары көчөдө калды
Саламатсыздарбы! Карындашымдын каза болгонуна 2 жыл болду. Андан 5 жыл мурун жолдошу менен ажырашкан. Үч кызын мен багып алдым. Өзүмдүн наамыма каттатайын десем кыздардын атасы керек экен. Бирок аны таппай жатабыз. Эмне кылсак болот?
Нурислам Раимжанов
Юрист
Саламатсызбы! Алгач жашап жаткан аймагыңыздагы социалдык коргоо уюмунун жаш балдарды коргоо бөлүмүнө абалыңызды жазып, арыз менен кайрыласыз. Алар сиздерге керектүү документтердин тизмесин сунуштайт. Документтерди топтогондон кийин уюм балдарга камкор боло алаарыңызды тастыктаган жыйынтык кагазын чыгарып берет. Ошол чечимдин негизинде сотко кайрыласыз. Эгер сот кыздардын атасын керек деп тапса, аны издөөгө жарыя кылат. Ал эми атасын керек эмес деп тапса, маселени чечип берет. Ийгилик!