Өгөй атам 15 жашымда күйөөгө сатты
Курбумду өгөй атасынын айынан апасы 15 жашында күйөөгө берген. Турмушка чыкканда 16 жашка толду. 17 жашында көз жарды. Төрөт үйүнө 6000 сом берип төрөгөнүн жашыртты. Эми ал кантип баласына туулгандыгы тууралу күбөлүк алат? Өзүнүн паспорту дагы жок. Кеңеш күтөм!
Нурислам Раимжанов
Юрист
Окурман, бүгүнкү күндө курбуңуздун паспорту жок болсо, биринчи кезекте өзүнө паспорт алсын. Андан соң, жашаган жери боюнча жарандык актыны каттоо бөлүмүнө кайрылсын. Бөлүм төрөлгөн баланы каттоого алууга милдеттүү. Канча жашынан төрөсө дагы баланы туулгандыгы тууралуу күбөлүгү жок калтыра албайт.
Курбуңуз паспорт алгандан кийин, баласынын туулгандыгын далилдеген (төрөт үйүнөн чыгып жатканда берет) маалым катты алып, жарандык актыларды каттоо мекемесине (ЗАГС) кайрылсын. Ал жерден балага туулгандыгы тууралуу күбөлүк берет. Курбуңузга көмөктөшөсүз деген ишеничтемин.