Кош бойлуу айымдын тамактануусу

Кош бойлуу аялдардын туура тамактануусу абдан маанилүү. Организмине зарыл болгон витаминдер, белоктор жана майлар убагында жетип турушу керек. Ал үчүн күн сайын туура тамактануу пирамидасында көрсөтүлгөн азыктар топтомун керектөө сунушталат.

1-топ: Нан, таруу, макарон азыктары, күрүч, картошка

Күнүнө 6-11 порция жеңиз.

1 порция:

• Бир чоң кесим нан (30-40гр).
• 3 таттуу токоч же өтө чоң эмес крекер.
• ½ чыны кайнатылган ботко (күрүч же гречка).
• ½ чыны кайнатылган макарон азыктары.
• ¾ 30 гр даяр кургак эртең мененки тамак.
• 1 орточо картошка.

2-топ: Жашылча-жемиштер

Күнүнө 5 порциядан кем эмес жеңиз.

1 порция:

• ½ чыны (100 гр) жашылча (сабыз, кызылча, көк пияз, пияз).
• 1 чыны жашылча (капуста, салат жана башка).
• 1 орточо помидор.
• ½ чыны буурчак.
• 1 орточо жемиш (алма, алмурут).
• ½ чыны (100 гр) жаңы, консерваланган же кайнатылган жемиш.
• 160 мл жашылча-жемиш ширеси.
• Күн сайын 400 грдан кем эмес жашылча-жемиш керектеңиз.

3-топ: Сүт жана сүт азыктары

Күнүнө 3 порция жеңиз.

1 порция:

• 1 стакан (200 мл) айран же кефир.
• 45 гр катуу сыр.
• 1,5 чыны ( 250 мл) быштак.
• 1 стакан (200 мл) сүт.

4-топ: Балык, тоок, эт жана буурчак.

Күнүнө 2 порция жеңиз.

1 порция:

• 1-1,5 чыны (150-200 мл) кайнатылган буурчак.
• 2/3-1 чыны жаңгак (100-200 гр).
• 2 орточо жумуртка.
• Майлуу эмес болуп даярдалган 80 гр тоок, балык же эт.

5-топ: Май, ак май, каймак, маргарин, өсүмдүк майы, шириндиктер.

Күнүнө аз-аздан жеп туруңуз.

Кош бойлуулуктагы кооптуу азыктар:

• Алькогол түйүлдүктүн чоңоюшуна чоң залал келтирет.
• Чийки эт жана балыктарда “листериоз” деген курт бойдон түшүрүп коет. Ал эми бышпаган жумуртка, сүттөгү “сальмонеллез” курту организимди уулантса, бала майып болуп төрөлүп калат.
• Токойдон терилген козу-карындардан ууланып калуу коркунучу жогору. Аябай эле козу-карын жегиси келсе, шампинионду туура бышырып, жесе болот.
• Жуулбаган мөмө-жемиш.
• Фаст-фуд.
• Газдалган ичимдиктер ичти көөптүрүп, бойдон түшүү коркунучуна алып келет.
• Кээ бир тамак-ашка кошулчу татымдар. Мисалы, корица жатынды чыңалтып бойдон түшүү, размарин кан кетүү коркунучуна дуушар кылса, соус, кетчуп, майонездер суусатып, шишитет.
• Экзотикалык азыктар аллергия кылышы мүмкүн.

Кайсы тамак-аштарды ченеми менен колдонуу керек?

• Чай
• Кофе
• Шоколад
• Уксус
• Горчица
• Хрен

Кош бойлуулукта туура тамактанган аялдардын ден-соолугу чың болуп, түйүлдүк жакшы өсүп, дени-сак бала төрөлөт.