Аялым жаман
Аялым экөөбүздүн ортобузда бир кызыбыз бар. Жакында ортобузда пикир келишпестик пайда болуп, кайын энем келип, кызым менен аялымды алып кетип калды. Чынында аялым жакшы эмес, кызым үчүн гана жашап жүрөм. Эмне кылсам, ажырашсамбы? Аялымды кантип жакшы жолго салам?
Тынчтык Бакытов
Психолог
Урматтуу мырза, үй-бүлөгө тиешелүү чечимди кабыл алуу абдан кылдаттыкты талап кылат. Ажырашуу бул үй-бүлөнүн баардык мүчөлөрүнө таасир эте турган процесс. Үй-бүлө болгондон кийин сиз өзүңүздүн өмүрлүк жарыңыз менен бирге олтуруп баардык агрессияны, жиндин келүүсүн токтотуп, диалог түзгөнгө аракет жасасаңыз жакшы болот. Аялыңыздын дагы оюн угуп көрүңүз. Түшүнүп турам пикир келишпестиктен улам сиз абдан кыжалат болуп жатасыз. Бирок чыныгы туура чечимди чыгарыш үчүн эмоцияларды суутуш керек.
Менин суроолорум:
- “Аялым жакшы эмес” дегенди кандай критерийлерге таянып айтып жатасыз?
- Өмүрлүк жарыңыз менен чогуу сүйлөшүп көрдүңүзбү?
- Кайын энеңиз кандай себептерден улам алып кетти?
- Сиз физикалык күч колдонгонсузбу?
- Өзүңүз аялыңыздын талаптарына канчалык денгээлде жооп бере аласыз?